O pasado sábado 24 de Febreiro celebramos a cea de entroido en San Claudio, que como xa sabedes, é posiblemente a cea máis importante do ano para a Asociación Centro Cultural Libro Vivo por afluencia de xente, xa que aproximadamente un cento de persoas se reuniron para cear e celebrar o entroido disfrazados.
 |
| Cartaz: Alfredo Rodriguez Pereira |
De menú para a cea serviuse o tradicional cocido: de 1º prato sopiña de cocido que case se tiña a culler de pé do sustanciosa que era, de 2º o cocido coa súa orella, fuciño, costela, touciño, chourizo, acompañado de patacas cocidas, grelos e garavanzos e finalmente de postre orellas e freixós. Todo isto acompañado do seu bolo de pan e regado con viño do país, auga e refrescos, para rematar e antes de dar paso ós sorteos e entrega de premios degustamos un cafeciño con seus licores de rigor.
Este ano a temática eran os contos infantís e cada quen usou a súa imaxinación para cumprir con tal requisito.
Houbo gran variedade de disfraces:
• 5
carapuchiñas vermellas: unha ía soa, unha có lobo, unha coa avoa, unha coa avoa
e co lobo e unha coa avoa, o cazador e o lobo disfrazado de avoa.
• 3 de
Peter Pan: un con Campaiña e o capitán Garfio, un con Campaiña e a nena perdida
e un con Campaiña, Wendy, Xoan queridiño, Miguel queridiño e o capitán Garfio.
• Os 3
porquiños, aínda que só viñeron o lobo e un dos porquiños.
• Minnie
Mouse.
• O Rei
Arturo: con un cabalo desbocado que non había maneira de controlalo.
• A
ratiña presumida.
• A
frautista de Hamelin: coa súa frauta dirixía a 5 ratiños.
• O
monstro de cores: representando as emocións de alegría, enfado, calma e amor.
Houbo os correspondentes premios para os mellores disfraces e máis orixinais:
• 1º premio: Icía de campaiña
• 2º premio: Vera de lobo disfrazado de avoa
• 3º premio: Fabián de Peter Pan
En categoría adulta:
• 1º premio: O monstro de cores (familia Díaz-Orjales)
• 2º premio: A frautista de Hamelin (familia Villar-Chao)
• 3º premio: A ratiña presumida (a nosa queridísima Cañí)
Veredicto levado a cabo por un xurado neutral e con criterio, como non podía ser doutra forma.
 |
| Foto: Mari Carmen Vale doce |
A continuación realizouse o sorteo de dúas cestas típicas do entroido e os afortunados foron: Gelita e Graciela. Parabéns! e esperamos que disfrutedes de tódalas delicias de primeira categoría que lles tocaron.
Para amenizar este gran evento acompañounos o Dúo
Caramelo que ademáis de repartir os premios, cantaron hasta ben entrada a
madrugada, ata que os bailaríns acabamos extenuados de tanta coreografía.
Menos mal que sobraron algo de orellas e freixós para repoñerse do meneo
corporal.
Video: Roberto Meizoso Montero
Foi unha noite espectacular a pesar do que chovía
fóra, pasámolo en grande e disfrutámolo ó máximo. Como sempre digo, é un
orgullo pertencer a esta parroquia nosa de San Claudio.
Vanessa Orjales
.jpeg)
.jpeg)
No hay comentarios:
Publicar un comentario