Homenaxe da Rondalla de Cedeira ao C.F. Mezquita de San Claudio

f.: Vicente Pérez Blanco

O director da Rondalla de Cedeira, Don Jesús José Piñón (Pepín de Soto), no centro, coa guitarra na man, amosouse encantado de actuar en San Clauido. "Xa me tardaba...", dixo.

 

MAGNÍFICA ACTUACIÓN DA RONDALLA DE CEDEIRA, DIRIXIDA POR PEPÍN DE SOTO, NA HOMENAXE AO CLUB DE FÚTBOL MEZQUITA DE SAN CLAUDIO

    O sábado, 22 de outubro, tivo lugar no Escolar unha comida de irmandade, recordando os tempos do club de fútbol que tantos éxitos acadou ao longo do tempo, con grato recoñecemento a José Castro Seoane do bar Mezquita, que custodiou a colección de trofeos dende 1950 ata os nosos días e que doou a Asociación Libro Vivo. 

    70 anos de historia recollidos en imaxes, trofeos e crónicas deportivas que na actualidade se poden ver na sala de exposicións do Escolar.

    Logo do xantar e proxección do documental sobre o tema deportivo por parte de Carlos Breixo, Presidente da Asociación, pasou a presentar a Rondalla de Cedeira, 30 voces mixtas máis instrumentos, dirixida polo noso veciño da Axilde e que hogano reside en Cedeira, Pepín de Soto, que interpretaron un variado repertorio que fixo as delicias dos presentes: Os meus amores, La barca en que me iré, Isla Dorada, Avante Patrón, Fisterra, Camariñas, Carro cantareiro, Viento del Norte e a petición dos presentes, Esclavo y Amo, e que foron moi aplaudidas.

    Entre os compoñentes da Rondalla, figuran veciños do Concello de Ortigueira que se desprazan a Cedeira varios días á semana paraensaiar, como José Luís Pernas e a súa dona Carmen, de Loiba, Pepe Ramos de Cuíña e Aurora e Moncho Durán de San Claudio.