CEA ENTROIDO SÁBADO 25 DE FEBREIRO DE 2023

O pasado sábado 25 de febreiro celebramos a cea do entroido en San Claudio, unha das máis importantes do escolar, pola gran afluencia de xente que ten, cada ano vamos a máis e mellor, en concreto, este ano casi chegamos ás 100 persoas.

Cartaz cea entroido 2023 f.: Alfredo Rodríguez

Grazas ós cociñeiros e ás camareiras, de cea serviuse de primeiro prato unha exquisita sopa do cocido e de segundo un delicioso cocido coa súa cachola, touciño, costela, lacón, chourizos... tamén patacas, garavanzos e grelos de Loiba. Para finalizar, de postre unhas orellas cruxientes de Dolan e unhas orellas esponxosas de Cañí. Todo isto acompañado dun bo viño tinto, refrescos, café de pota e licores espirituosos varios.
 
A temática do entroido este ano foron os superheroes e superheroínas e algún que outro vilán e vilana. A gran variedade de disfraces puxo bastante complicada a labor do xurado, tíñamos á familia Batman, dúas familias de Increibles, a familia Superman, a familia Flash, a familia Son Goku, Os Galácticos, Cruellas, Bruxas, Wally, Willian Wallace, Clar Kent, Tao Pai Pai, Catwomans, a morte, algún romano despistado, e unhos osos amorosos que diron moito que falar...

1º premio adultos                    f.: María Castro

E tras moita deliberación por parte do xurado os premios foron os seguintes: 

Adultos:
1º premio para Andrea e Emilio como Milk e Son Goku
2º premio para Rocío como Cruella de Vil
3º premio para Dolores e Carlos como Os galácticos
 
Infantil:
1º premio para Matías como Flash
2º premio para Icía como Guerreria Z de Dragon Ball
3º premio para Mauro como Dash Parr dos Increíbles
Ademáis todos os miúdos tiveron, como non podía ser doutra forma, un agasallo por participar. 

2º premio adultos                  f.: María Castro

3º premio adultos                   f.: María Castro

Antes de dar paso á actuación musical e baile de rigor procedeuse ó sorteo de 3 cestas con produtos delicatesen típicos do entroido, unha delas doada polos nosos amigos Os Carecos, que por certo, esta tocoulle a Iván, e as outras dúas a Jorge e a Suso Orjales.

Para amenizar a noite neste gran evento estivemos acompañados polo Dúo Caramelo, disfrazados de Luigi e Mario Bros. Foi a guinda de esta velada marabillosa que pasamos os veciños de San Claudio e arredores, disfrutando da comida, da música, do baile e da bebida na nosa pequena cantina.

Imos de misión     f.: J.Carlos Breixo Rodríguez

Vanessa Orjales